Comu a sapeti, u Scrabble in lingua corsa hè una sfida, vistu chi ci so numarosi variazioni lessicali, sionti i loghi è i locutori. Piuttostu d'impone una versione più o menu academica e stantarata avemu sceltu i ricchi pussibilità in u campu di l'interazioni: tocca a voi, avà, di prupona versioni rifiutati da u diziunariu. Di sicuru, l'aghjustera di i pruposte un si fà da sola: saranu trasmesse a una "ghjuria" cumposta da parsoni scelti tantu pa a so cunniscenza di a lingua che pà a diversità di i so parlà: a l'ultimu sarani aghjustati i formi accitati da a ghjuria.

Vi ringraziemu di pricisà ragioni e circostanze (loghi, paesi, pievi…) di a vostra pruposta.

So membri di u Cumitatu D.A Geronimi, G.M Arrighi, P.A Bungelmi, P. Ottavi...